ადგილობრივი ტურისტული გიდის სასერტიფიკატო კურსი

სიღნაღის მუნიციპალიტეტის მერიის, ტურიზმის განყოფილების ორგანიზებით 20 – 27 მაისს  ადგილობრივი გიდის მომზადება / გადამზადების სასწავლო კურსი ჩატარდება.

კურსის მიზანი:
- სიღნაღის მუნიციპალიტეტის ადგილობრივი კვალიფიციური გიდების არსებობა
- სიღნაღის შესახებ  სწორი ინფორმაციის (ისტორია, კულტურა და ა.შ.) გავრცელება და პოპულარიზაცია.
- განათლების, დასაქმების ხელშეწყობა და სხვ.

დაქირავებული ორგანიზაცია:
ტურიზმის ორგანიზაცია  -  წარმოადგენს ტრენინგ ცენტრს, რომელიც 2018 წლიდან ფუნქციონირებს და მიზნად ისახავს პრაქტიკული და თანამედროვე სწავლების მეთოდებით ტურიზმის სფეროში მუშაობით დაინტერესებული პირების მომზადებას და ხელშეწყობას მათ შემდგომ დასაქმებაში. https://to.edu.ge/

ტრენერები:

ვლასი ვაწაძე
ისტორიკოსი, გიდი
საქართველოს ისტორიის მეცნიერებათა დოქტორი; გიდი 
https://to.edu.ge/trainings/gidis-punkcia-movaleobebi/
- ტურიზმის ზოგადი ისტორია და  გიდი.   ექსკურსიის კლასიფიკაციის განმარტება და მომზადება, გიდის ეთიკა და გარეგნობა,   ეკსკურსიამძღოლის ფუნქციები და მოვალეობები, მოქცევის წესები და ტურის წარმართვა. 

-  მარშრუტის დაგეგმვა და დამუშავება.  როგორ დგება მარშრუტი, რა უნდა გავითვალისწინოთ ტურის დაწერის დროს. როგორ მოვიძიოთ ინფორმაცია.
-  ფსიქოლოგია ტურიზმში. ინდივიდთან და ჯგუფთან მუშაობის პრინციპები.

ნოე ელიზბარაშვილი
ტურიზმის, საგარეო ურთიერთობისა და საერთაშორისო პროექტების განყოფილების უფროსი
-  სიღნაღის მუნიციპალიტეტის ტურიზმის სტრატეგია, მიზნები და გეგმები

გიორგი ჩერქეზიშვილი
ტურიზმის, საგარეო ურთიერთობისა და საერთაშორისო პროექტების განყოფილების სპეციალისტი.
-  ქიზიყის და ქ. სიღნაღის ისტორია
-  ტურისტული ადგილები და მარშრუტები

ნინო ლეკიაშვილი
საქართველოს წითელი ჯვარის  სიღნაღის ფილიალი, მენეჯერი.
- პირველი დახმარების ტრეინინგი

მონაწილეობა შეუძლია:
საქართველოს მოქალაქეებს 14 წლის ასაკიდან
უპირატესობა მიენიჭება:
- სიღნაღის მუნიციპალიტეტში მცხოვრებ პირებს
- დაინტერესებულ პირებს, რომლებმაც ქართულის გარდა დამატებით სულ მცირე ერთი უცხო ენა. (B1)
- ისტორიკოსებს, ტურიზმის ან მომიჯნავე დარგების სპეციალობებს და სტუდენტებს.

მიღების ეტაპები:
- განაცხადის ფორმა  (იხ. ქვემოთ )
-  გასაუბრება

კურსის ღირებულება  - უფასო

კურსის ხანგძლივობა -  21  საათი.

მონაწილეთა რაოდენობა: 15 ადამიანი

კურსი ჩატარების ადგილი:  ქ. სიღნაღი,  აღმაშნებლის მოდანი N3. 

სერთიფიკატი
- კურსის წარმატებით დასრულებისა და სერტიფიკატის მიღებისათვის მონაწილე აქტიურად უნდა იყოს ჩართული პროგრამის მსვლელობაში, უნდა ასრულებდეს კურსით გათვალისწინებულ სავარჯიშოებსა და საკურსო დავალებებს. 
- სასწავლო კურსის დასრულებისას მსმენელები ჩაატარებენ ინფო ტურს ქ. სიღნაღში, რომლის საფუძველზეც გაიცემა სერთიფიკატები.

განცხადებების მიღების ბოლო ვადა - 13  მაისი 20:00 სთ. 

დაინტერესებულმა პირებმა უნდა შევსონ ქვემოთ მოცემული განაცხადის ფორმა.

განაცხადების განხილვის შემდეგ,  შერჩეულ კანდიდატებს  მუნიციპალიტეტის მერიის ტურიზმის განყოფილების თანამშრომელი დაუკავშირდება არაუგვიანეს 15 მაისმდე.